情路浮面埋門撻Q
林德信（Alex）與日模松岡李那被踢爆拍拖3年，期間多次甜蜜約會高調晒愛，惟雙方一直未有正面承認。最近Alex爸爸林子祥出活動時竟爆出：「仲有（一齊）咩？唔知仲有冇喎，見到先知！」令分手一事現端倪！
前後腳去睇騷
2012年底，Alex與松岡被拍得前後腳入場睇韓國組合Big Bang的香港演唱會，場內孖公仔，但Alex亦提高警覺怕被發現。
男方寓所密會
Alex與松岡被《好報》拍得前後腳上男方寓所密會，但雙方封口拒認。同年男方搞生日派對時更帶松岡「見家長」，足見其正印地位。
生日唱歌冧女
上年松岡28歲生日，Alex於派對上自彈自唱冧女。今年3月Alex為母親吳正元的農曆生日，及妹妹April的西曆生辰舉行驚喜派對，松岡亦有份拍家中大合照！
出口術想結婚
分手前，松岡曾表示想早日組織家庭兼生夠7個，但其後又在網上借愛情金句指為愛情要受罪，上月Alex以「好朋友」形容女方，更罕有地說想做爸爸。