近年留港發展的藝人唐文龍，首次在港拍廣告，除與黃竣鋒合作外，更濕身上陣與久未露面的車婉婉大晒溫情：「廣告中有品酒同落水戲份，想帶出作為爸爸享受生活之餘，亦可以帶好生活畀小朋友。」
而黃竣鋒則透露加入新公司十個月已接拍三個廣告，成績不俗，又直言十分羨慕唐文龍：「佢之前拍嘅戲我都有睇，學佢嘅形象，今次同佢合作都請教佢好多嘢！」
