朱璇戴13磅頭飾扭傷頸

前華姐冠軍朱璇早前到橫店拍攝大陸劇《哪吒與楊戩》，她在劇中飾演武功高強的皇后，負責保護皇上，劇中動作場面甚多。飾演皇后的朱璇劇中造型華麗，單是頭飾就重達十三磅，頭飾太重令她扭傷頸部令舊患復發，不用埋位時要戴上頸箍保護，她說：「條頸一向唔好，頭飾太重整傷咗條頸，好彩唔係好嚴重，一唔使拍就戴住頸箍保護條頸。」

汗流浹背似沖涼

拍攝時朱璇指最難頂是橫店的酷熱天氣，日間氣溫高達三、四十度，即使坐定定，但穿着厚甸甸的古裝也實在焗得辛苦，朱璇表示：「啲戲服好厚好重，天氣好熱，真係熱到爆，表面睇冇乜嘢，但係啲汗不停咁流，流到隻腳濕晒，好似啱啱沖完涼咁。」

除了受頸患煎熬外，朱璇也難頂橫店的酷熱天氣。	朱璇在劇中動作戲多多，埋位前要好好拉筋熱身。	朱璇的皇后頭飾重達十三磅，令她頸傷復發，休息時要戴上頸箍。

拍《張保仔》打到慣

朱璇首次在大陸拍攝古裝劇，角色武功高強，但單論動作戲場面反而不及無綫劇集《張保仔》多，她說：「好彩之前拍咗好多動作場面嘅《張保仔》，裏面好多打戲，打到我周身瘀，對比拍《哪吒與楊戩》就輕鬆得多，同埋呢套唔少場面都有替身，最搞笑係套劇雖然同王祖藍、鍾嘉欣拍，但係好多時都撞唔到，反而撞到佢哋嘅替身。」

採訪：影視組