黃凱芹心水角色最緊要死

久未露面的歌手黃凱芹（Chris）近日接受東網電視《娛樂OnShow》主持俞詠文（Angela）訪問，剛剛推出新碟《煇黃時期》的他，對於今次重唱前輩黃霑和顧嘉煇的作品，坦言壓力不大，反而有種失而復得的感覺：「又冇好大壓力喎，反而係興趣大咗，因為呢啲係香港人，尤其是我呢個年代嘅人，成長時候必定會聽嘅歌同睇嘅劇，真係陪住我長大！」

與霑叔無緣

問到曾否與兩位前輩「交手」？他感慨指當年霑叔曾親自開口要送歌給他，惟他當時的經理人公司則以方向不合為由反對二人合作：「本身同霑叔差少少就交過手，我同我經理人公司講，但佢哋嗰時就話方向同概念唔太夾，可能會覺得同前輩合作個感覺冇咁摩登，但我就完全唔覺，不過當時人微言輕，咩都返唔到轉頭啦！」

黃凱芹接受俞詠文的訪問，盡訴心路歷程。

黃凱芹差點就與林保怡結劇緣。

錯過做太監

曾做DJ又是歌手的Chris，亦曾於無綫青春劇《戀愛快拍》擔任男主角，提及當時拍攝經歷，他竟嘆不堪回首。問到他至今最想演甚麼角色？他則笑指要當一個會死後復生的壞人：「我要做壞人！（強姦犯得唔得？）唔得，呢啲出街會畀人打。總之我就想做啲有錢嘅壞人，同埋最緊要會死，但死完最好又可以翻生！」其後，笑言自己非常適合飾演太監的他更大爆早年有機會參與無綫電視劇《金枝慾孽2》，惟最後不了了之：「嗰時曾經有人聯絡過我做一個文縐縐嘅角色，但係後來應該係覺得我未必適合做個角色，而且又要剃頭，我又唔捨得，因為當時要做演唱會，所以就無緣做太監。哈哈！」欲知更多關於Chris的新碟與星途秘史，記得收睇星期一至五的《娛樂onShow》嘞！

文：專案組