千嬅母愛湃澎湊多個仔

歌手楊千嬅昨日出席化妝品牌活動，即場充當模特兒讓化妝師為她塗上最新的唇膏產品，更獲品牌送贈禮物。受訪時，千嬅表示近日忙於做演唱會，舉行完雲頂站之後就可以休息，希望明年年頭能繼續舉行巡唱。問到今年聖誕是否能陪家人？她說：「係，不過我接咗個內地嘅音樂節目，十二月中去做，應該唔會疊住。」

食蝦會敏感

提到老公丁子高在社交網站表示食物敏感一事，千嬅透露自己前日有工作在身，原先打算派老公代為出席好友古巨基的婚宴：「佢就想靚仔啲，同個客食完lunch之後去跑步，返到嚟塊面腫晒，佢食蝦會敏感，平時唔會即刻爆出嚟，但即刻跑步就大件事，佢話尋日（前日）冇食蝦，但可能泰國餐啲湯係用蝦頭嚟淆。」她又謂老公面腫到變了《神奇四俠》中的石頭人，非常驚嚇：「咁啱個仔呢幾日發燒，一起身見到爹啲 咁，即刻話『scary』，之後走開，真係好嚴重！我老公仲叫我錫佢一啖，我淨係摸吓佢塊面。」她表示老公有藥物傍身，第二朝已經康復，更飛到上海工作。

千嬅笑言老公叫她錫錫，但遭她拒絕。	化妝師為千嬅塗上最新色彩唇膏。	丁子高、囝囝

囝囝或遺傳

問到兒子Torres可有遺傳食物敏感？千嬅表示兒子年紀還太小，暫時還未知：「食嘢會慢慢畀佢試，啲蝦、蟹都未畀佢食住，nuts都少啲，知屋企有人敏感就會小心啲。」當記者叫千嬅要好好照顧老公時，她笑說：「我依家有兩個仔，終於明白點解啲人話結咗婚之後多個仔。」

文：音樂組