羅霖願做白老鼠試「修陰機」
半百美魔女羅霖（Candy）保養得宜，昨日她出席美容展發布會，表示對最新的醫學科技很有興趣，其中對一部稱為「修陰機」的新儀器十分好奇，她說：「我問人係咩嚟？原來係女性生完BB後子宮下垂，或者賀爾蒙有變化，內部會鬆弛，會有滲尿情況，呢部機器就係幫女性私處收窄，（你試咗未？）未，要克服心理障礙先，就算做都係為健康着想，唔係為取悅他人，自己生咗三個小朋友，懷孕時都會壓住子宮。」
左臉腫脹
Candy又認為女性生育後私處鬆弛，絕對會影響夫妻性關係，她續說：「我有朋友為咗咁去做手術，我覺得好傻，依家好多機器連內部都做到，我自己克服咗都會試。」
她又自爆近日因疲勞過度及過濾性病毒，令牙骹腫了，昨日現場所見，其左邊臉明顯腫了一點，問到曾被指整容的她可會擔心被指「失修」？她即說：「見到我真人就唔會信，我之前做美容院代言人，係有打過一次蛋白溶線，呢啲都唔適宜打太多，適可而止，唔好過分！」
文：名人組