許雅婷陷三角戀男友偷食姊妹
少女標本成員許雅婷（Kabby）、簡淑兒（Jessica）及袁紫僑（CoCo）情路坎坷，她們不約而同遇上花心賤男一腳踏兩船。當年戀愛大過天的Kabby更試過因難捨多年感情，而苦苦哀求初戀男友回心轉意，可惜襄王始終無夢。
女子組合少女標本其中三位成員許雅婷、簡淑兒與袁紫僑推出合唱歌《失戀咒》，三位新一代少男殺手透露現在是單身一族，但在情路上都曾經歷「少女最痛」，在拍拖期間發現男友「偷食」，最後忍痛斬情絲！
Jessica表示前男友曾多次「劈腿」，起初靠電話發現對方有「景轟」，她說：「身邊朋友有講我男友偷食，開頭會選擇相信男友，但呢啲好易捉，慢慢開始感覺到佢好奇怪，例如佢部電話長期唔畀我掂，我一行近佢部電話就好緊張，最後我選擇忍痛分手，失戀嚟講都算最痛呢次，因為佢重複犯錯。」最後全靠身邊朋友的支持，才能平復這段情傷。
CoCo網上捉姦
CoCo坦言現時資訊發達，容易在社交平台意外「捉姦」，試過遇上「大話男」背住她偷歡：「依家訊息咁發達，好易發現男友有唔妥，加上從身邊人已經聽到啲嘢。有一次佢明明話嗰日得自己一個人，但我睇到啲相發現原來唔係。當時我冇喊出嚟，可能係欲哭無淚。」
挽留花心男
不過講到最慘情莫過於Kabby，因初戀男友搭上了她的好姊妹，陷入三角苦戀中：「仲要喺我生日會介紹呢個好朋友畀男友識，到第二年生日，佢哋一齊咗，仲夾埋我啲朋友隱瞞我。」最終有朋友看不過眼向Kabby告「蜜」，但她因放不下這一段情，苦求男友留在身邊：「我當時有求男友唔好走，但佢始終花心，得一想二，唔肯同我朋友分手，又唔肯同我分手，最後我覺得好辛苦，三個人痛不如我一個人痛，就決定分手。」
文：音樂組
服裝：tout a coup@i.t
場地：Party Land@觀塘