Ashina遇啱劇本再接再露

近日一間娛樂公司新開張，該公司老闆Gary人緣甚廣，邀得眾多藝人參與開幕典禮，其中香港先生翟威廉（William）與Gary分屬中學同學，更憶述當年「難兄難弟」的過去：「以前返學真係好曳，我哋又賭錢又曠課，衰嘢樣樣齊！」問到感情事時，William繼續堅稱單身：「我邊有另一半啊！呢排都忙拍劇，冇時間識女仔！」

唔Mind睇晒三點

而最近憑電影《同班同學》上位的女星郭奕芯（Ashina）大晒長腿，提到戲中大膽演出，她自言滿意表現：「仲係新人，都係差咗啲經驗。睇番先知三個女仔得我係三點全露，其他人都係露兩點，但都冇所謂，因為套戲好真實好有意義！身邊家人朋友都話我做得OK，將來再有好劇本都唔介意再裸露，係有意思嘅內容就唔怕畀人話係艷星啦！」

翟威廉盛裝出扮，力撐舊同學的公司開幕禮。	HunterZ成員Suetzi進軍美容生意，還希望打入影視界拍戲。	金元孝（左）、Ashina與翟威廉（右）出席開幕禮，齊齊幫手剪綵。

Suetzi投資搞生意

HunterZ成員Suetzi亦有出席開幕禮，透露着手投資搞生意：「賣自製落妝水、浴鹽等產品，好有效o架，真係紓緩到壓力，將之前唔開心嘅事都忘記晒！嚟緊HunterZ會有新歌，自己都想試吓演戲。」同場還有演出內地綜藝節目《中韓夢之隊》的南韓諧星金元孝，問到拍攝體力勞動會否吃不消？他說：「過程係辛苦但拍得開心，值得嘅！嚟緊會去外地做巡迴Gag騷，希望語言不通下都引到觀眾哈哈大笑。」

文：陳丹

攝：林定兒

場地：Dragon T