張家輝加床戲郭采潔吊到嘔
張家輝再做導演，費盡心力將「女鬼」郭采潔拍得「男男女女都喜歡」，又讚對方似偶像般「鬼火咁靚」！采潔則難忘遭「吊高虐待」﹕「控制不了般空中不停自轉，放下來便想吐。」
影帝張家輝再次執導懸疑電影，以偶像江雪為藍本揀蟀，鎖定郭采潔為女主角，兩人發展一段可歌可泣的「人鬼情未了」。據家輝形容，由他執導的首部電影《盂蘭神功》未盡全力，有感愧對觀眾，決定傾盡全力捲土重來，前後花了約一年時間完成新片《陀地驅魔人》的拍攝，他說：「今次推咗其他電影工作專心一意去做，連一粒螺絲釘都係自己搵，所以觀眾即使要彈都係我嘅事。故事源自幾年前我聽過嘅一個覺得好有趣嘅故事，多謝團隊通力合作，令我要乜有乜，真係受寵若驚。」
似偶像鬼火咁靚
談到女主角采潔，家輝激讚鬼火咁靚：「睇佢以前演嘅愛情小品，覺得佢好有粵語片女星江雪嘅影子，呢隻女鬼男男女女都鍾意，真係『鬼火咁靚』！」問到有否特別加插床戲，他幽默地回應：「都有嘅！但未盡全力囉！」家輝為這隻「女鬼」訂製特別的「飛行道具」，為采潔製造出飄逸與「離地」的感覺，采潔即笑說：「就是這個升空機器，令我不停在空中自轉，導演叫我停下來，我也是控制不了，放下來便想吐。」
祼露鏡頭非意淫
據知，《陀》片中有女性大膽祼露的鏡頭，但家輝追求的是寫實而不是色情，他強調：「係想反映一啲宗教上嘅問題，我無意侵犯及踐踏女性尊嚴，中間亦無淫穢成分，有信心通過電影審查關卡。」問到有否計劃再下一城，他笑說：「要有完整嘅劇本，我先夠膽再試一次。」
文：影視組
攝：劉斌
化妝：Midco Chu（張家輝） 翁巧函（郭采潔）
髮型：Jeff Wu（張家輝） Flux Keanu（郭采潔）
場地：PARTY LAND