森美想做王菀之姊妹
藝人森美、黃心穎和湛琪清昨日於中環出席「銀聯卡呈獻蘭桂坊暢聚Happy Hour」活動，森美被問到好友王菀之公布婚訊，他表示對方未有通知他，反而是收到朋友的訊息才得知。有指王菀之主動追Eric So，他說：「早兩個星期同佢做訪問，佢話初初去Eric So個studio睇佢做嘢，睇咗5至6個鐘，之後再去多日，第二日走嗰時就叫Eric So擁抱佢！所以呢，女仔要追求幸福係要自己主動，好重要！」
森美笑言得知婚訊後，有傳訊息給王菀之，知否王菀之會否擺酒？他謂：「我同小儀傾過，佢好似唔會請飲。（如果請飲你做兄弟姊妹團？）睇張敬軒啦，佢做伴娘我咪做姊妹囉。」
同場的黃心穎被問到會否叫大會送免找數簽帳額時，她笑指自己送給自己，又謂今年收入比去年多，她說：「前兩星期收到稅單，本來想去買嘢，即刻冇晒mood。（幾位數？）六位數。」