李蘊讀年幾未畢業

被爆與港姐蔡思貝就讀同一所大學的李蘊，受訪時表示睇報道才知是校友：「依家可能改咗學制，我嗰時就要讀兩年半先可以畢業。」她又透露自己仍未畢業：「自己都唔記得邊年入學，中五畢業後就讀，經理人幫我搞，大約2008、2009年讀，本身要讀兩年半，自己只係讀咗年幾就冇讀。因為自己唔勤力，亦唔知有咩科目，只係要一星期上一堂，上兩、三個鐘。（中五之後就直入大學？）係！嗰時已經好大回響。」