褫奪亞軍頂上？劉佩玥睇公司安排

蔡思貝捲入學歷風波，同屆季軍兼好姊妹劉佩玥昨日開工時表示有睇報道，但指思貝心情未有受影響。問到若對方真的犯錯便可能被褫奪亞軍名銜，屆時由她補上，佩玥只說：「冇乜可以補充，等公司安排啦！」至於冠軍陳凱琳指不清楚事件而不作回應。一班師姐、師妹亦有留意報道，黃心穎指港姐講求智慧而非學歷，不擔心影響港姐聲譽，而譚小環則指選港姐不論學歷、樣貌都重要：「好嚴格！要有證書驗證，做人誠實係最基本。」師妹麥明詩、龐卓欣及郭嘉文昨日出席慈善晚宴，談及蔡思貝一事，麥明詩指面試時需要證明，郭嘉文則指「要睇學生證」，龐卓欣指還需提供證明正本。問到學歷是否比實力重要？麥明詩說：「當日係全民投票，肯定咗我哋嘅努力。」