無綫證蔡思貝參選資料無誤

港姐蔡思貝昨日被指2013年當選後報讀一間海外大學修讀工商管理學士課程，但一個月內已完成課程，令學歷備受質疑。無綫企業傳訊部副總監曾醒明表示翻查蔡思貝參選港姐時所提交的學歷、文件，與當時發放給傳媒的資料相符，沒有任何差異，至於有關其他學歷的問題，無綫不會作進一步回應。問到會否查究？他指藝員部同事或會找當事人了解：「事情未明白前係唔會過早有安排同處理。（港姐名次有影響？）佢當選後履行咗港姐嘅使命，目前為止冇任何改變。（警方聯絡？）唔明點解要。」

避談有否報讀課程

而蔡思貝昨日返電視城拍攝新劇《味想天開》，回應指看過報道但未完全了解事件。問到是否真有其事？她只說：「我都想了解清楚少少先，暫時不作回應。」對於事件可能牽涉刑事，蔡思貝只說：「我未了解清楚件事，本身唔係咁清楚，稍後先再作回應。」當再追問究竟有否報讀該課程，她則一再避談。

蔡思貝回應學歷風波時全程避談，只以「了解吓先」擋駕。	洪永城指蔡思貝如常精靈，心情未受影響。	曾醒明指翻查文件後證實蔡思貝參選資料無誤。

問到藝員科有否找她了解，蔡思貝說：「事件啱啱發生，依家先知道。（擔心？）要睇吓啦。（家人聯絡你？）未。」至於事件上有否做錯？她只說：「要了解吓，唔該晒。（可否具體一點？）本身件事較為複雜，想了解清楚先去回應。」當追問當選港姐後有否報讀大學課程？她未有正面回應：「來龍去脈要了解吓先回應，要慢慢睇吓點去處理。（警方聯絡你？）未諗到。（擔心港姐名次有影響？）冇諗到咁遠。」

洪永城唔覺有異樣

另外，同劇拍檔洪永城表示不覺得蔡思貝拍攝時有異樣，依然醒目精靈，指她不似會講大話的人。講到事件可能牽涉刑事，他說：「咁誇張？唔方便回答。」

文：影視組