童愛玲囝囝變男神多女圍
女星童愛玲昨日以透視長裙出席美容品牌活動，她透露自己最近過着「灰姑娘」般的生活：「囝囝升中學之後，有好多考試，佢夜晚7點幾8點就瞓，我就5點幾叫佢起身讀書，早讀效果好好。」
她又大爆囝囝兒時不喜歡女生，不過升中後大改變：「最近接佢放學，佢同我講同成班女仔一齊食飯，又話覺得有幾個女仔都幾好。（係學校男神？）係呀，佢最近標高得好勁，又有打籃球，fit咗。」問到是否接受囝囝拍拖？她笑說：「我諗puppy love都ok，因為有女朋友令佢注重自己，會勤力啲。我覺得女人係男人嘅動力！好似我結咗婚，老公都會勤力啲畀好生活我。」