姚書軼蕉引雄象全身任摸

名模姚書軼（Mikki）、太子珠寶鐘錶公司主席兼行政總裁鄧鉅明伉儷、名人周國豐、名模馬詩慧、Jocelyn與丈夫Anthony等昨日出席名媛李桂蘭兒子戴尚安（Sean）的慈善相展，Mikki擔任其中的模特兒，她表示在印尼與大象首次拍攝：「出發前都驚，因有人話會有憤怒大象，但去到唔使五分鐘就冇呢個諗法，覺得有首歌好啱，《我很醜但我很溫柔》。」

影完都好唔捨得

她直言無論任何性別的大象都好為食同好乖：「我用手拎住香蕉，佢就用鼻左摷右摷。（有冇掂到你敏感位置？）隨便摷我全身，我好願意，佢係男仔嚟，我覺得佢鍾意我，我影完都好唔捨得，佢用鼻撩我玩，拍咗全日都冇難度。」問到結婚會否影同類相？她表示有機會都想，想先找個好男仔，笑言不會嫁給大象，因太多老婆。

李桂蘭特別到場支持愛兒Sean。	鄧鉅明與太太鄧宣宏雁恩愛出席。	馬詩慧（左起）性感上陣，老公王敏德及二女王麗嘉讚有型。

Sean半年冇拍拖

而李桂蘭亦到場支持愛兒Sean，她笑言要為愛兒主持大局，擔任公關。Sean表示首次舉行大型相展，有五個慈善團體支持，但並不緊張。問到前女友謝婷婷有否祝賀？他說：「我知佢喺澳門做嘢，佢有傳短訊叫我good luck 。」李桂蘭表示十分支持兒子，Sean聞言即時感謝媽媽這四年來的支持，更錫媽媽一啖。問到會否想Sean拍拖？她表示：「佢半年冇女朋友，最長時間，我唔驚佢冇女朋友，因為佢工作忙。」問到展覽結束後會否拍拖？Sean表示冇人想約會他。

文：名人組