羅霖牙骹發炎冇覺好瞓
「美魔女」羅霖聯同藝人伍詠薇昨日現身美容展，以老闆娘身份為醫學美容品牌造勢，羅霖透露投資7位數，又謂近排工作非常忙，在泰國拍完戲又趕到北京出席慈善活動，再回港錄製新歌，更指前晚半夜由澳門回港後發生「奇怪嘢」：「起身發現牙骹位好痛，腫到瞓唔到，家庭醫生話係牙骹齦肌發炎，只可以食流質食物，講嘢都要好大力。其實細個7、8歲都試過食蘋果太大力，下巴牙骹甩咗，要媽咪帶我去睇醫生『啪』番！」
另一老闆娘伍詠薇表示：「舊年加盟呢間公司，同老闆一拍即合，而自己加入前一直有做美容瘦身嘅產品生意，嗰陣就諗四年內有人收購就啱晒，點知真係時間啱啱好！」更笑言美容生意大賺：「永遠賺緊嘅！舊年先涉足美容界，就算未賺到都應該嘅！」
