邵美琪搵人錫男女唔拘

現年50歲的邵美琪昨日以代言人身份,罕有地拋胸出席張兆輝創立的美容品牌活動,回復單身的她又自爆有興趣相睇搵男伴,曾獲女性追求的邵美琪更不抗拒同性戀:「有人錫冇所謂。」

張兆輝與太太昨日於灣仔會展為投資的美容品牌舉行發布會,現年50歲的邵美琪(Maggie)則以代言人身份偕黃(金己)瑩瑩出席活動,身穿Deep V連身裙的Maggie又罕有地大晒三吋事業線,非常性感。席間,她更獲老闆張兆輝送贈一對價值六位數的翡翠耳環,被氹得笑逐顏開。

讚老闆好闊佬

受訪時,Maggie表示從未收過如此貴重的禮物:「唔知點報答,真係要應承唔好偷懶,唔好辜負人哋。」問到代言酬金是多少?她大讚老闆好闊佬:「一個人想幫你嗰個心最緊要,唔係用金錢(衡量),我唔做都有人做。(友情價?)唔係,係重金禮聘,佢哋知我需要養家、交租。」

提到現時的感情狀況,Maggie自爆想嘗試相睇:「都幾好玩,識多啲朋友,我未試過,可以食吓飯、傾吓偈幾好,雖然以前啲人覺得老土,但有好多人都唔敢識男女朋友。」記者笑問怕否搶去其他女士焦點?她笑道:「我覺得香港女士唔差,大家鍾意嘅嘢唔同,我可以識到班女仔Friend,又話唔定有女仔鍾意我呢!(唔介意有女仔鍾意?)唔介意,有人錫冇所謂。(即係唔介意同性戀?)唔介意,有啲女仔溫柔過男士,見到有啲friend咁,我直頭毛管戙。」她又直言曾獲女性追求,但自言當時「冇需要」兼嚇親。

乜都畀晒老婆

談到該品牌成立15年,張兆輝稱:「托賴一路有錢賺,即使最差嘅環境下都冇生意下降嘅迹象,我嘅生意之道好簡單,就係攞個心出嚟做生意。」他又大讚Maggie猶如翡翠般美麗,並謂送對方名貴耳環「物輕情義重」。那麼如何補償太太?張兆輝笑謂:「送番啲嘢畀老婆囉。(送七位數禮物?)冇所謂,將來乜都畀晒老婆。」

文:影視組