麥明詩備戰華姐專心消腩

麥明詩和黃心穎出席無綫慈善活動記者會,麥明詩被問到有指她發福,她即尷尬表示要減肥;黃心穎則搞笑表示自己於節目中會「賣笑」,更希望參與驚險項目!

應屆港姐冠軍麥明詩(Louisa)、亞軍龐卓欣及季軍郭嘉文、藝人黃心穎、鄧佩儀和組合Super Girls等,於尖沙咀出席無綫節目《歡樂滿東華2015》記者會,預告當晚會作神秘表演的Louisa以低V短裙性感現身,對於有報道指她身形發福兼凸腩,她尷尬笑言:「咁嚴重?我有時食多咗嘢個肚就喺度,多謝提醒,就嚟都要選華姐,要專注keep身形,(今日個樣好攰?)尋日節目巡禮見到好多大明星,集少少郵,想保持矜持。」問到Louisa會否與男友齊齊操弗身形,她笑說:「唔會,佢唔係好keep fit嘅!」之後又撒嬌指男友嫌棄自己工作太忙:「我工作排到好滿。(佢有冇詐型?)佢話我拖累佢叫吖嘛!佢覺得我令佢唔夠威!」

黃心穎想玩笨豬跳

黃心穎被問到在節目中表演甚麼時,她說:「未知,當晚應該會玩遊戲同賣笑。(你笑容值幾錢?)無價!」說到若要表演跳火圈會否照做?她說:「我敢呀!一年內好少瘋狂嘅表演,(鄭希怡曾經試過表演時甩褲。)咁咪好難忘,我唔驚危險,人愈大愈鍾意刺激同唔怕死,每次去旅行都想玩跳傘,我目標係30歲前玩笨豬跳,如果有人陪我跳都OK,有人挑釁我就會做(口架)喇!」

鄧佩儀牛一多飯局

鄧佩儀則透露前晚於電視城後台與鄭俊弘及張致恒等人齊齊慶祝生日,她謂:「我廿三歲生日都係工作中度過,喺後台化妝間聽咗四、五次生日歌,我仲發現原來鄭俊弘同張致恒都同我一齊生日!」擔任節目《搵食飯團》主持的她表示喜獲曾到訪拍攝餐廳的老闆請食生日飯,她說:「我哋十幾個人去,老闆請我哋食咗三、四千蚊!」問到其生日願望會否是想找個男友?鄧佩儀笑說:「我自己鍾意獨立,放精神落做嘢度先!」

文:影視組