祖兒捐五位數作賀禮
昨日現身婚宴的嘉賓可謂星光熠熠，身為基仔老友的天后容祖兒單拖赴會，剛從北京趕返港的她搞Gag說：「我求神拜佛要趕得切返嚟，唔好delay，如果唔係就『古delay』喇。」並表示以新人名義捐了五位數字到慈善團體作賀禮，她更祝福新人百年好合、永結同心，早日生B！對於好友王菀之爆婚訊，祖兒說：「聽到佢好恨嫁，成個勢似想嫁，佢哋好合拍、互相扶持，替佢哋開心。」
林峯大方承認近日以六千二百萬購入南區豪宅：「冇寫女友名，相信佢唔會嬲，日後結婚都一家人。（之前喺韓國拍MV受傷？）依家冇乜事。」陳豪則拖實太太陳茵媺到賀，問到是否向基仔傳授生仔秘方？陳豪哈哈大笑說：「順其自然啦，有小朋友係好開心嘅事。」離場時，周慧敏大讚婚宴場面感人，曾表示不能出席的她解釋：「係Lorraine幫我推咗啲job，佢哋嘅婚禮係無價，我哋太熟喇，所以送禮劵畀佢哋。」
