基仔真愛告白兩公婆爆喊

43歲古巨基去年7月跟46歲的助手老婆陳韻晴（Lorraine，前名陳英雪）在美國註冊結婚，相隔一年多，昨日「11‧11」光棍節在四季酒店補擺喜酒，約六百位好友到場祝賀，包括英皇集團主席楊受成伉儷、容祖兒、Twins、古天樂、吳君如、林峯、陳豪及大肚老婆陳茵媺、李克勤、張敬軒、莫文蔚、邱淑貞及大女沈月等人，星光熠熠！婚禮以酒會形式舉行，場內布置浪漫，基仔悉心打造童話式婚禮，為老婆留下難忘的回憶！

雙雙喜極而泣

晚上七時許到婚禮的高潮，新人進行合巹交杯儀式，基仔即舉杯豪飲未料嗆親，新娘飲剩大半杯酒，基仔即幫老婆頂酒，司儀森美即說：「好浪漫嘅舉動，代表將來所有嘢都由新郎哥去承擔！」之後新人在台上發表愛的宣言，基仔說：「我哋住埋一齊有一段時間，冇覺得要簽字結婚，直至有一次我哋去踩單車，當時Lorraine跌倒，頭盔都裂埋受咗傷，冇咗忽肉好嚴重，我即刻送佢去醫院縫針，經歷過生死一刻，我覺得需要珍惜佢，就決定結婚！」期間Lorraine感動落淚，基仔亦忍不住喜極而泣，場面感人。

基仔與他的星級兄弟團。	新人在設計獨特的布置前留影。	一對新人切結婚蛋糕。

《我與你》冧妻

而昨午四時半基仔與來自中、港、台的兄弟團包括「前欄王」劉翔、黃子華、蘇有朋、森美等人見傳媒，新娘子因怕醜拒見人，基仔說：「我氹咗佢好耐，搣咗佢兩嘢(口)喇，佢驚見到鏡頭，所以陣間會發合照畀大家。」婚禮大小事項由基仔一手包辦，布置婚禮場地他搞到凌晨三點：「場內有條幸福小街，入面有三間舖頭，紀錄我哋一切。」而兩口子的巨型手繪壁畫他花了八小時畫成，極具心思！基仔又自創一曲《我與你》冧老婆，一於憑歌唱出結婚前心情及愛的宣言！歌詞內容十分甜蜜，如「我與你早註定結果」、「我與你一世未夠多」、最後一句「愛到雙鬢成白雪」！

基仔、Lorraine合巹交杯。	李克勤到賀新人。	左起：張敬軒、阿嬌、阿Sa、容祖兒、Mani與鄭希怡及BB合照。

至於手拿白色花束的新娘子Lorraine婚紗款式密實，足踏小白襪十分嬌俏，身上鑽飾價值8,000萬元，7.12卡巨鑽是寓意兩人在去年7月12日註冊結婚。身為兄弟的子華談到擔任基仔的兄弟時說：「係喺街撞到(口既)，基本上好難撞到，大家就相認，我記得佢結婚擺酒，但冇請我，咁佢就話不如搵我嚟做兄弟啦。」他又說基仔為婚禮事事親力親為，還說：「我未見過有新郎事事親力親為，會睇搭景，之後啲人結婚會好大壓力！」劉翔則透露基仔準備了一段肺腑之言以表達他和老婆多年的感情。

楊受成伉儷	傅明憲	陳茵媺、陳豪

文：音樂組