億元購物賞隆重呈獻

昨日「澳門銀河」綜合度假城「時尚匯矚目購物賞」隆重揭幕，特別邀得在澳門出生的名模樂基兒（Gaile）在開幕前合作拍攝宣傳照，並體驗「女王式享受」，現凡於「澳門銀河」時尚匯購物中心消費，更有機會賺得價值1億的獎金和獎品！

Gaile昨日身穿Dolce&Gabbana服飾配Tiffany&Co.首飾華麗登場，她對所有款待都非常滿意，並透露品嘗了很多美食，當中的米芝蓮星級Terrazza意大利餐廳更是一試難忘：「平時做嘢前比較少食咁多，食咗Pizza同Pasta等，呢度附近有澳門百老匯開到凌晨3點，嚟到澳門可以做到好多唔同嘅嘢！」

商場應有盡有

除了滿足味蕾享受外，Gaile對佔地逾10萬平方米、薈萃200多個時尚及生活品牌的時尚匯購物中心亦讚不絕口，激讚商場應有盡有，極為方便：「喺香港未必有Freedom（自由）周圍行，呢度可以好方便咁行街。（你係咪購物狂？）以前多啲，依家就睇情況，會自己Mix & Match，例如會用大褸襯衫。（最瘋狂買過幾多嘢？）我可以喺一間舖頭行一至兩個鐘！（尋日買咗幾多？）見到啲鞋同袋香港都未有，好多謝畀到呢個咁好嘅體驗我！」問到會否希望自家品牌在時尚匯出售？Gaile說：「冇咁快，依家我個品牌都仲係BB階段，慢慢嚟。」

諸葛紫岐（左起）、首席市場推廣總監祁禮敦、謝婷婷、澳門銀河營運董事樂啟誠、樂基兒、李丹妮、顏思詩及澳門銀河零售高級副總裁王家倫，齊齊舉杯慶祝「時尚匯矚目購物賞」正式揭幕。	諸葛紫岐很開心有人代拿戰利品上酒店房。	謝婷婷盛裝赴會，大晒白滑玉背。

大讚服務貼心

同場藝人謝婷婷則以黑色露背裝真空上陣，她透露前日已抵達澳門，並已在時尚匯購物中心逛街、歎晚餐及做Spa，她興奮地表示已替父親謝賢找到樽領衣飾，一口氣買了兩件：「我幫佢搵咗半年，上網都搵唔到！依家好開心，好期待送畀佢，佢一定會好開心！」洋化的她又大讚麗軒的大閘蟹及花膠等中菜美味，稍後會再相約家人品嘗大閘蟹。至於名媛諸葛紫岐（Marie）大讚商場提供的Personal Shopper服務貼心，除了有專人介紹不同品牌及最新流行資訊外，又會幫她把戰利品送回房間，問到買了多少？她笑說：「少少！（買畀老公？）佢冇。（買畀囝囝？）買咗畀自己，因為時間短。」早前有指她與丈夫關係緊張，問到兩人目前的感情狀況？她甜笑說：「係春天，未去到夏天，主要係之前比較忙。依家坐低傾咗，分配好時間，星期六、日唔使返工，希望可以一齊。」

文：名人組