「紅娘」天明等收大利是

「樊J戀」突爆婚訊，群星紛紛送祝福，好友洪天明一手促成這段良緣，對此他笑說：「嗰次咁啱搵佢哋一齊去登台啫！唔係話咩相睇。我未知佢哋幾時結婚，但應該要封番封大利是畀我。」天明太太周家蔚表示事後才知道兩人在其婚禮上認識，還踢爆老公在背後「做咗好多嘢」，有機會分享夫婦相處之道。
洪天明透露未知「樊J」的確實婚期。
洪天明透露未知「樊J」的確實婚期。

與JJ同樣擔任「味之天使」的陳宛蔚替兩人開心：「終於可以公開啦！真係替樊生開心，JJ係個好好嘅女仔！要我幫手一定兩肋插刀！我哋成日傾偈，佢都叫我增肥生BB。」至於一手提拔JJ的陳百祥祝兩人白頭到老，曾與JJ合作拍劇的江美儀則催兩人生BB：「快點有小少皇與小JJ囉！」

陳宛蔚替樊少皇娶得JJ感高興。
  • 陳宛蔚替樊少皇娶得JJ感高興。