軒仔操弗做伴娘

王菀之（Ivana）宣布婚訊，緋聞舊愛張敬軒昨日出席古巨基婚宴時搞Gag：「搞到我都想宣布埋『昏』訊，係昏迷嗰個昏！（事前知佢結婚？）係知嘅，一早戥咗佢開心。（係咪4月時已經知？）又唔係，都係傾開偈時講起。（到時做姊妹定伴娘？）可能做姊妹又做伴娘，但要Keep咗Fit先，唔係到時着唔落條……褲。」問到會否催Ivana早日生BB？他透露兩人也喜歡小朋友，又乘機取笑好友：「我目測佢嘅『圓周』都可以生隊籃球隊出嚟，到時生到腳軟。」