羅霖在澳門出席行李箱品牌活動，她表示剛從北京做完慈善活動，現忙於與歌手馬嘉均錄歌，有國語及廣東話版，花了兩小時錄歌。問她曾否試過行李箱被整爛？她表示：「有，好多次。試過被扔爛篋，穿窿。（怕唔怕私人嘢被偷？）都驚，我成日一袋袋放好。」繼又表示曾到東歐旅行，被偷喱士內衣及名貴護膚品：「我啲內衣褲都係新嘅，着咗都唔怕，不過就激氣，又要買，我試過晚禮服都唔見，所以會帶兩套分兩個篋。」
