祖兒一拖六激戰「筋肉人」
天后容祖兒日前與日本健美猛男Macho 29及紅爆網絡的兄弟檔亞歷山大及弟弟安德里，拍攝新一輯百老滙廣告。被六名「筋肉人」包圍的祖兒，怕得用手遮面，其後又用手篤麒麟臂測堅韌度，祖兒笑言企在猛男身邊感覺非常纖瘦。
抱開心果狂跳
祖兒日前先紮孖辮與年僅四歲的亞歷山大及其弟弟安德里拍攝首個鏡頭，面對超活躍的兩兄弟，祖兒表現得束手無策。貪玩的她更索性抱起細佬在枱上狂跳：「同小朋友合作有一定難度，不過今次拍攝過程非常好玩。兩位小朋友係現場嘅開心果，氹得所有工作人員都好開心。」
篤麒麟臂解圍
換過新妝及髮型的祖兒再與6位肌男Macho 29一同演出，面對自揭背心晒朱古力腹肌的「大隻佬」，她怕醜得遮面，但轉頭她又用手篤麒麟臂還自騷「老鼠仔」比併。被夾在中間的她笑言：「拍呢個廣告真係賺到盡，畀猛男圍之餘，企喺佢哋身邊覺得自己特別纖瘦。」隨即又氹六子，開心地說：「佢哋個個都好搞笑。」
文：音樂組