王馨平挑戰廿幾歲歌喉
歌手王馨平（Linda）昨跟中樂團綵排將舉行的音樂會，即場唱出金曲《別問我是誰》。受訪時她表示首次跟中樂團合作，到時會唱四首歌，今次表演亦有難度：「因為揀歌想突出番我音域最清亮嘅部分，所以會將key定高啲，要唱番廿幾歲嘅清亮高音，但我都仲唱到。」
她亦透露前日首次跟中樂團綵排，好聽到令她毛管戙。問到演出時可會配合穿旗袍？Linda謂本身有想過：「但因為今次合作係較新潮，所以我揀咗一套華麗同性感嘅服裝，唔係中式。（得到老公批准作性感打扮？）佢好支持我做所有嘢，佢知我有分寸，到時佢都會嚟睇音樂會。」