張敬軒爆舊屋有精靈
歌手張敬軒昨日現身電台宣傳新歌《過客別墅》，他表示新歌以至下月推出的新碟均以早前居住過、被政府列為法定古蹟的舊居為主題，他說：「其實主要係想講保育，其實有好多舊建築舊物件都好靚，希望喚起大家呢方面嘅意識。」
直言對舊居相當喜愛和懷念的軒仔透露，曾透過一位懂得通靈的朋友，想探索一下舊居有甚麼存在：「我唔係迷信嘅人，只不過想知道間屋有冇Friends喺度，結果我朋友講呢間屋附近有位精靈，已經喺度住咗八、九十年，見過好多人搬入嚟又搬走，但未見過有人好似我咁有心，去照顧呢度。」軒仔更直言希望日後經濟許可，可以重回那裏居住。