蝦頭讚巨星放題鬥智鬥力好玩
《東網巨星》App昨日推出全新節目《巨星放題》，邀得陳奕迅及謝安琪出IQ題考藝人，自封「腦筋急轉周身郁」的周秀娜成功過關，有份參加比賽的蝦頭（楊詩敏）大讚節目好睇，更自讚美貌與智慧並重，她說：「咩問題都有，好搞笑，鬥智鬥力好好玩，想知我贏定輸記得收睇節目喇。」
未有機會參賽的黃美棋昨日在活動中表示最愛玩冷知識，她說：「今朝起身有上網睇呢個節目，三條問題我都答中兩題，希望下一期可以輪到我答啦。」而同樣未有參加的楊思琦坦言不敢挑戰，她說：「第一集真係好好笑，最緊張係得十秒時間作答，諗到口唇邊時就好快夠鐘，好想下一期有機會做主持問其他嘉賓，發問總好過答問題，希望有機會考吓大家IQ。」自誇IQ「博士」的李逸朗揚言首集的三條問題全中：「今朝起身已經追睇，啲題目由淺入深，我真係識答晒，下次搵我答就最啱。」
