陳煒學霆鋒出「煮」意？

陳煒最近演技備受肯定，無綫更宣布即將安排她主持節目《陳煒的100道風味》。靚女昨晚性感打扮登場，問到她是否感到吐氣揚眉，她笑說：「又唔會咁諗，開心畀觀眾睇到我演戲以外嘅另一面。（覺唔覺得個節目名同謝霆鋒（《十二道鋒味》相似？）暫名啫，可能想畀觀眾覺得我好勁，煮到100味餸。」

對於陳煒新節目的名稱，謝霆鋒經理人霍汶希回應：「其實內地都蜂擁推出類似嘅節目，我哋當然唔介意，證明霆鋒節目受歡迎啫，不過『鋒味』我哋註冊咗嘞，所以我哋都要問一問法律部嘅意見。」另外，昨晚節目巡禮上無綫同時宣布會籌備曾志偉領軍的《獎門人20周年Super Show》。