湯告魯斯險變燒豬
出名拍戲唔錫身的荷里活巨星「靚佬湯」湯告魯斯（Tom Cruise），上周五拍攝新片時，片場的服裝車突然起火，當時靚佬湯更於火場附近，幸最後有驚無險。
近日被女視星及前科學教信徒Leah Remini連環爆料的靚佬湯，雖然於美國新奧爾良專心拍攝電影《烈探狙擊》（Jack Reacher）續集《Jack Reacher:Never Go Back》避開傳媒追訪，不過就全程面無表情。
意外擦身而過
上周五晚於拍攝地點，一輛載有劇組服飾的旅行車突然起火，有指火災發生時靚佬湯在附近的休息車上，距離起火地點非常近，消防員收到消息後趕到現場救火，幸未有人嚴重受傷。
其實今年9月，靚佬湯拍攝另一新片《Mena》時，就已發生過墜機意外，導致兩死一傷，當時他與失事直升機只有十分鐘航程，幸兩次意外都未有令他受傷，說得上是不幸中之大幸。
唔理七個月大B女
而Leah的爆料書再有新內容曝光，有指當年靚佬湯與前妻姬蒂賀姆絲（Katie Holmes）在結婚前的晚宴中，二人任由當時只有七個月大的女兒蘇莉（Suri）在地上喊足幾分鐘，更見到靚佬湯的姊姊、其助手及另一名女賓客把蘇莉當作教宗再世。Leah亦指靚佬湯與另一前妻妮歌潔曼（Nicole Kidman）收養的子女康納（Connor）及伊莎貝拉（Isabella）同樣信奉科學教，只在被迫下才會與妮歌聯絡。文：外娛組