星級專家評「鬼」樣 化妝師Gary：夠驚嚇
梁齊昕前晚以白面白衫喪屍造型慶萬聖節，著名化妝師Gary Chung和形象指導張學潤各有意見，Gary大讚梁齊昕的妝容夠驚嚇，他說：「I like喎！好有喪屍feel，真係夠驚嚇，同埋手工好精細，指甲都襯得好型，將喪屍造型混合時裝元素，good！」又指梁在社交平台連po相也表現得如此投入，值得一讚。
至於張學潤則認為萬聖節很多人也會扮「鬼怪」嚇人，且較早前已有人在網上教授如何化此妝容，故不覺得很特別，他說：「OK，佢個妝合格，睇得出花咗心機去化，不足嘅地方係粉底欠均勻，搞到塊面一撻撻，唔知係化得唔均勻，定係個妝溶咗，同埋佢唔記得搽白對手，應該要搽埋白粉底喺雙手，造型就會整體啲。
髮型方面亦未夠瘋狂，如果可以再亂啲，會更加驚嚇。」他覺得梁齊昕化此妝仍然被人認出是她本人，故未算最出色，他認為扮喪屍要扮到沒有人認得才算成功。
