蔣怡煮食老公嫌煩
昨日模特兒蔣怡為烹飪比賽擔任評判，她表示現在家磨練廚藝，準備推出烹飪書，笑言老公及女兒成為她的白老鼠。問到老公是否給她廚藝滿分？她笑說：「當住我面就係，背後就唔知，佢有時覺得我好麻煩，問可唔可以煮啲簡單啲嘅！」
問到會否想追個兒子？她說：「想呀，不過好忙，老公成日飛。（你跟佢一齊飛順便造人囉？）唔得，我要睇住個女，（依家係咪隨時ready？）最快都要等到農曆新年，今年好多嘢做，又要搬屋。（想要仔定女？）老公想要女，不過都有啦，我以前想要仔，但係依家有個女又覺得好啲，順其自然啦！」