阿嬌珍藏內衣性感自賞
女子組合Twins成員鍾欣潼前晚出席內衣品牌活動，自爆收藏大量性感內衣，看見喜歡及漂亮的款式便會「入手」，但透露有很多內衣只是作擺放用途，坦言只是純粹以欣賞的角度來購買。
組合Twins成員鍾欣潼（阿嬌）、前2R成員黃婉君（Rosanne）、中國超模劉雯、內地男星胡兵、歌手張繼聰、英皇娛樂集團主席楊受成等，前晚一同出席內衣品牌旗艦店開幕派對。身穿黑金條紋外套配喱士長褲的阿嬌，坦言對內衣的要求是合眼緣，她表示：「有機會都會喺香港買，因為可以快啲買到，買嘢方便啲，（去旅行會買多啲？）係，（有冇儲性感內衣？）有儲好多，靚就買，但好多都係擺喺度唔着，都係以欣賞嘅角度買。」
恭喜陳妍希
問到好友陳妍希已開腔承認接受男友陳曉的求婚，有否恭喜對方？阿嬌表示第一天從新聞上得知消息，已恭喜了他們，問到對3D小龍女雕像的感覺？她說：「幾靚，都幾難整，（有冇幻想過他日嘅求婚？）冇諗過，太遙遠，自己未準備好結婚，遇到都要時間，我未必會閃婚，（有冇諗過幾歲結婚？）幾年後，係咪幾遙遠呢！」
開心贏官司
而身穿透視連身短褲現身的Rosanne，胸前只靠喱士遮掩重要部位，她騷一騷玉背說：「真空上陣，着唔到任何嘢，（黐晒膠紙？）點都要防一防，（着呢件衫準備咗幾耐？）我一向都fit o架啦！有做瑜伽，同小朋友去游水、跑步。」其後又自爆贏了官司：「之前嘅結婚相被盜用，打咗4年官司，終於都打贏，雖然贏咗都唔夠畀堂費，但可以攞番我啲相嘅版權，（老公點支持你？）畀錢、精神上支持，又幫手照顧兩個小朋友，（盜用你啲相做乜？）擺喺店舖同展覽，依家一天都光晒，見番啲結婚相會開心。」
文：名人組