雨僑讚羅力威冇脾氣

歌手雨僑昨日到電台大談愛情經驗，她透露過去都會為前男友下廚，但對方卻會發脾氣、翻白眼，直言比較喜歡沒脾氣的人，雨僑又大讚現任男朋友羅力威，她說：「我覺得佢冇咩脾氣，佢唔太多情緒起伏，雖然大部分人都唔覺。」講到日前兩人拖手行街斷正，雨僑即笑說：「睇心情，因為嗰個位難截車，所以唔好走失。」問到兩人是否有結婚計劃？雨僑就Sweet爆暗示「非君不嫁」:「可能遲多幾年先結婚，想賺多啲錢。（視羅力威為結婚對象？）冇諗住要特別搵其他對象。」