蕊蕊炮製恐怖大餐
藝人陳蕊蕊與自組組合HunterZ成員鄧詠雪（Suetzi）日前盛裝打扮到海洋公園玩鬼屋迎萬聖節，二人不停被屋內的「鬼怪」嚇得尖叫，蕊蕊更不時耷低頭兼緊閉雙眼，而勇於直視恐怖「鬼怪」的Suetzi則相對地大膽。
兩女表示每年均會扮鬼扮馬參與萬聖節派對，蕊蕊透露為今年的打扮大感苦惱：「我有諗過扮cute啲嘅卡通人物，可能係靚版比卡超又或者係魔鬼、女巫等。」又謂會到蘭桂坊感受節日氣氛。問會否準備萬聖節「鬼」餐？蕊蕊笑言：「我平時整嗰啲已經係萬聖節嘢食，唔使特登研究點整。（男友金剛有冇食過？）有，佢梗係要話好食，所以佢平時好少建議我煮嘢食。（地獄廚神？）我唔認真啫，唔可以煮得咁勁，如果唔係變咗老奉就唔好啦！特登o架！策略嚟！」