杜汶澤嚇親 勸睇中醫
陳茵媺早前到馬來西亞拍攝杜汶澤執導的電影，雖然電影已於本月頭拍畢，但阿澤昨日接受訪問時，坦言獲悉對方懷孕時「嚇到標尿」，更建議茵媺盡快搵中醫，診金由他負責：「拍戲唔會預知對方懷孕(口架)，我之前仲叫佢跑咗兩晚，佢當時仲答我會跑到有幾快得幾快，拍嗰時佢未知有咗，但我依家驚嘛，因為嗰時馬來西亞空氣好差，小學都停課，咁佢跑步要深呼吸，好在佢睇咗醫生話BB好健康。」
而與陳豪一同拍劇的黃智賢，昨日也表示要恭喜對方：「佢『勤力』就全行都知，尋晚同佢開工又冇講，不過男人會有咩異樣，唔會作嘔作悶。（幾時到你？）會加倍努力，都會請教陳豪。」
