真人騷女星Khloe Kardashian與中風死過翻生的分居老公兼NBA球星奧當（Lamar Odom）日前宣布取消離婚，還公開表示會全心全意照顧對方，外間都為這個患難見真情的故事大受感動，不過，Khloe近日受訪時坦言無意重修舊好，且跟現任男友感情穩定，認真峰迴路轉。
奧當早前於召妓期間吸毒及服食過量春藥導致中風昏迷，真是死過翻生，其分居妻子Khloe Kardashian連日來悉心照顧，不離不棄，日前更宣布取消離婚，似乎已重修舊好。不過Khloe近日接受《People》雜誌訪問時，透露取消離婚並非打算與奧當復合，並表示和另一NBA球星男友占士夏登（James Harden）感情穩定，實在令人摸不着頭腦！
Khloe 坦言：「目前有好多治療上的問題，根本冇諗過我哋係咪一對，同性及親密關係冇關，唔會聽日突然同任何人結婚，我只係想支持佢（奧當）…占士一直都好支持我，我哋嘅關係好好，球季已經開始，如果佢忍受不住，我都會理解嘅！」有知情人士指Khloe從未與占士分手，占士十分體諒Khloe與奧當的關係，認為外人不明白兩人的感情有幾深，現在Khloe只想全心全意照顧及支持奧當。
Khloe於另一訪問中亦表示只想處理好眼前的事，雖然最近情緒大起大落，但她有信心過得一關得一關。她亦提及奧當目前的健康狀況每小時都在變化，時好時壞並不樂觀。
文：外娛組