譚偉權被踢裂胸骨 照開工

藝人譚偉權（Gary）日前於上海拍攝無綫劇《梟雄》，首次嘗試武打戲的他透露因飾演誤入毒海的角色而經常捱打，期間更不慎被踢裂胸骨！他說：「我被大陸武師踢裂胸骨，痛到抖唔到氣！大家都留意到我面青唇白，（堅持完成拍攝？）係，拍完第二日入院，返香港再照X光就知裂咗。（期間照拍打戲？）食止痛藥同搽跌打酒，係好好嘅經驗。監製都知我受傷，打得激烈會用替身。」Gary又感謝好友蘇玉華當時陪他入院。Gary又謂今次與「影帝」黃秋生及「視帝」黎耀祥合作過足戲癮：「感受到佢哋（演技）好穩陣同壓場，好有火花！」