苗可秀爆發戲癮唔執着做主角

近年苗可秀（Nora）回流香港，自從客串幾套電影，分別跟古天樂、官恩娜和泰迪羅賓等合作，雖然只屬玩票性質，但Nora在戲中表現出那份淡定及豐富的情感表達，足叫觀眾留下深刻印象。她說：「近年係多咗留港，因為想參與多啲電影工作，之前都係客串，始終停咗咁耐，但依家都想做番多啲。」

重新適應香港節奏

自言戲癮大發的Nora直言﹕「戲癮梗係有啦，唔係返嚟做咩？以前拍戲就比較局限，做嚟做去都係俠女嗰啲角色。依家見種類好多元化，好新鮮。」她透露已經有新片在洽談中，很快便會公布。她謂：「我哋呢啲年紀，唔可以用以前心態啦，唔需要太着重邊個係主角邊個係配角，反而有特色有個性嘅角色，我仲有興趣。」

苗可秀坦言不習慣香港的急速節奏。	苗可秀（右）很開心與泰迪羅賓及官恩娜合作。	苗可秀早年曾與古天樂及劉若英合作電影。

多年來在溫哥華生活的Nora坦言要重新適應香港的工作節奏：「面對工作、傳媒、出席活動同做訪問，全部都係新鮮，感覺都幾得意，不過我有時都同工作人員講話唔好催我，我心跳呀！以前喺加拿大舒服慣，返嚟香港要啲時間習慣。」

文：曹家誠

攝：張福宏