吳業坤預告裸跑慶功
歌手吳業坤自加入無綫處境劇《愛．回家》班底後，日忙夜忙，今年才正式成為歌手的他，仍不忘積極籌備處男唱片，他說：「隻碟大概11月底出，會有六首歌，等咗五年終於出碟，好期待、好緊張，擺咗好多心機落去，有4首歌係我親自作曲或者填詞，除咗情歌外，都想畀番啲正能量大家！」
為答謝粉絲一直的支持，吳業坤揚言若唱片銷量理想，不介意裸跑慶祝：「依家唔係好多人會買唱片聽啦！如果隻碟賣到一萬五千隻，或者《愛．回家》過30點收視，大家又真係欣賞我body嘅，唔介意裸跑慶祝，同埋當然想攞新人獎同歌曲獎，對粉絲有個好好嘅交代！」