楊柳青意國遇怪事

nowTV主持楊柳青（Wiyona）早前到意大利拍攝節目，參觀多個製衣及製鞋工場，令身兼買手的她獲益良多。不過Wiyona在當地白天就驚小偷，夜晚就驚鬼：「嗰陣住咗間好猛嘅酒店，我入房就覺得好陰涼，成個人驚到好凍，冚晒毛巾外套再攬枕頭，拎埋護身符都唔掂，要食紓緩神經嘅藥先瞓到，第二日起身知道隊crew好多人都feel到有唔妥，就即刻轉房！」
楊柳青到訪製衣工場大開眼界。
楊柳青到訪製衣工場大開眼界。

Wiyona指到訪歷史悠久的古堡亦遇驚險事：「古堡入面有間餐廳，明明冇冷氣但好陰涼，我坐喺幅畫下面影相，隔籬有部鋼琴，影完相個翻譯同我講，間古堡嘅主人以前好鍾意坐喺頭先你坐嗰張櫈，然後走去彈琴，即刻嚇到我起晒雞皮，delete晒電話啲相，同埋去廁所要經過主人生前住嗰間房，我一行過又起晒雞皮，要連群結隊先敢去廁所！」

楊柳青指古堡冇冷氣但好陰涼。
  • 楊柳青指古堡冇冷氣但好陰涼。