黃芷晴吸金瓣數多大豐收

藝人黃芷晴及新人劉卓軒獲軒尼詩V.S.O.P邀請，雙雙為一年一度的《軒尼詩炫音之樂2015》擔任宣傳大使，替下月舉行的音樂會造勢。其中已第二度被委任為社交媒體大使的芷晴表示，感激廣告商的厚愛，亦對今年的工作量大增感到開心，除剛完成跟前輩黃淑儀（GiGi）合作的舞台劇後，又即將投入電影工作。

極速減磅

不過芷晴笑言投入新工作之前，要先狂做運動減肥，她解釋：「因為同GiGi姐合作，由綵排開始每日都有好多好嘢食同湯水，做完個劇之後增磅咗唔少。」同時又因為工作緊密，去年開始經營的自家服飾品牌都無暇打理，她笑說：「今年都算大豐收，工作量多咗好多，但服飾品牌嗰度明年都要投放多啲時間番去，唔可以荒廢太耐。」

巡迴宣傳

同樣獲廣告商邀請的卓軒則被委以重任，負責以眾演出歌手的名曲串成一個Medley，在音樂會前巡迴演出宣傳。本身為測量師的卓軒自言因熱愛唱歌，故此決定暫停測量師的工作，給自己數年時間全心在樂壇打拚，他說：「屋企人起初都唔支持，但後來見到我嘅堅持，亦都冇再反對。」

文：音樂組