《東網Baby》夏日心動：何洛沂胸大秘訣：發育唔減肥
擁33D驕人上圍的落選港姐何洛沂（Ashley）有「硬膠芭比」的稱號，她為新一期《東網Baby》穿上三點式拍攝，爆乳效果滿分。她直言現時較少到沙灘玩水：「細個好鍾意去，大個咗一嚟工作忙，二嚟好怕曬黑，所以都少去喇。」皮膚白滑的她又分享護膚心得：「主要做好防曬，香港紫外線無論係UVA同UVB都好強，室內室外都要搽防曬先可以保護好啲皮膚。另外要勤力保養，飲多啲水。」
問Ashley有何keep fit心得？她說：「其實好慚愧，冇特別keep，都係注意飲食，食少啲零食同食多啲生果、飲多啲水。想個胸大啲嘅話已經太遲，應該要喺發育時期唔好減肥，同埋飲多啲牛奶同豆乳製品，不過市面上都有好多push up內衣可以托得個胸型好靚。」
Ashley坦言選美全因想入行：「當初參選係想人哋認識自己，我都好享受喺舞台上表演，如果可以嘅話想嘗試演戲，最好有得同周星馳合作。一路以嚟都有追開佢嘅電影，好鍾意《逃學威龍》、《少林足球》，佢幽默得嚟演技又好。」
只要上《東網》Click入《ontv東網電視》娛樂節目，即可欣賞《東網Baby》風采！
泳衣：Quiksilver