范姜：阿B冇乜話事權

鍾鎮濤（阿B）太太范姜昨出席活動，談到溫拿有成員萌退意，被傳可能解散，范姜坦言：「佢哋有呢個打算，因為大家想周圍環遊世界。因為大家都年長啦，做咗咁多年，想多啲時間陪家人。不過消息一出都好多人阻止佢哋，話The Rolling Stones都係咁，繼續跳。溫拿佢哋諗起以前嘅嘢，都冇人出聲，佢哋都掙扎緊。」她坦言希望溫拿繼續合作，如五年搞一次演唱會，開開心心聚在一起，充滿正能量。問到阿 意願？她說：「佢最細，冇乜話事權，都係配合大家。（解散由阿倫提出？）佢冇提出，係大家傾傾吓嗰陣，話想多啲時間去旅行，做嘢都辛苦，諗諗吓就有呢個方向。」