周秀娜得1年尋愛 期待閃婚

宅男心目中的性感女神周秀娜（Chrissie）前晚出席活動，同場還有兩位孕媽媽混血名模Ana R.和Jessica C.（JC）、名模周汶錡、Amanda S.、歐陽妙芝、陳嘉容、女星莫文蔚等。

感覺行先識幾日都OK

期間Chrissie竟然自爆明年隨時會閃婚，至今仍是單身的她表示還有一年時間尋覓真命天子，她說：「記得自己25歲時啱啱出嚟做嘢，我媽咪好擔心我嘅前程，於是就去問相士，相士話我31歲會結婚，出年就係喇，眨吓眼就過咗五年，我都好期待，仲有一年時間去搵。（閃婚？）閃婚我OK o架，緣分要嚟擋都擋唔住，只要係適合同鍾意嘅對象就可以，但一定要夠閃，即係要靚到bling bling咁。其實遇到啱就得，幾日都OK，我自己都係憑感覺行先嘅，唔介意識嘅時間長短。（如果奉子成婚呢？）又未去到呢一個地步，淨係話我會結婚啫。」

JC摸着Ana R.的巨肚，笑言有意效法對方影大肚裸照留念。	Amanda S.有愛情滋潤，分外甜美。	莫文蔚以一身圖案刺繡長裙亮相，十分搶鏡。

Ana R.裸照老公嗌正

而Ana R.被問到早前拍的懷孕裸照可有問准丈夫？她說：「冇問過佢，我係影完返屋企先show啲相畀佢睇，佢問我『做咩冇着底底嘅？』不過佢睇完就讚啲相好靚，話good job。我其實想老公同我一齊影，不過佢唔想，佢怕醜。我提議Jessica同Andy（JC未婚夫安志杰）一齊影，叫Andy半裸，JC全裸，我可以負責游說Andy。」問到JC可會效法Ana影大肚裸照？JC說：「我覺得呢個係一個特別嘅時刻，係好值得紀念嘅，可以考慮。（知道BB係仔定女未？）未知，我之前想要仔，不過我覺得Andy想要女，所以仔女都冇所謂。」

文：名人組