周柏豪裸膽MV 遭TVB拒播

歌手周柏豪早前利用3D特技效果拍攝新歌《天下大亂》MV，當中的電腦合成「柏豪」與「女主角」全裸演出，甚至做出「扭埋一舊」畫面，意識相當大膽。據知，無綫因尺度問題向柏豪所屬的華納唱片以太多「裸露」鏡頭拒播，令《天》MV無緣呈現電視觀眾眼前。

身為主角的柏豪坦言有份參與MV製作，他說：「知道MV入面嘅『自己』係會全裸，覺得冇問題。（挑戰性感尺度？）係大膽嘅，明白電視有佢嘅尺度。」柏豪並詳述MV帶出的訊息：「一對男女喺咁大宇宙入面認識，之後接觸再合為一體。（接受真人全裸演出？）睇導演、製作團隊，我就冇底線。」

由於華納早年因版稅與無綫鬧翻，今年才破冰成功，問到會否因為今次拒播令關係變差？華納發言人說：「電視台有佢嘅尺度，相信唔會影響我哋嘅關係，不過有啲失望，令電視機前嘅朋友睇唔到。（整個潔淨版？）唔會喇！」另外，柏豪前晚出席活動時踢爆父母恨抱孫：「佢哋流晒口水啦！」

文：音樂組