張繼聰開騷 叫老婆揸相機

張繼聰昨日到電台宣傳即將舉行的演唱會,他稱今次個唱似總結自己做歌手十周年的紀念:「今次為演唱會推出咗兩首歌,一快一慢,其實都係回顧吓自己。」阿繼又稱明年要投入電影工作,今次似最後一次演出。問可會安排嘉賓?他說:「會嘅,不過朋友太多,如果請晒佢哋嚟會變咗籌款騷,所以會請啲特別啲,可以喺台上互爆。」他又稱不會叫太太謝安琪做嘉賓:「佢安心喺台下幫我影相好過,同台我會尷尬同口窒窒。」