傅嘉莉獲視帝塞錢多到使唔切
黎耀祥與黃秋生於最近播出的台慶劇《梟雄》大鬥演技，昨日他為新劇拜神時，就謙稱氣場和演技都較黃秋生弱，難以超越：「我都係跟佢學嘢！」但傅嘉莉就視黎耀祥為學習對象，大讚對方演技出眾，時常塞錢落她袋，不過她指高人意見消化需時。
藝人黎耀祥、傅嘉莉（Kelly）和何廣沛昨日在將軍澳電視城出席無綫新劇《財神駕到》開鏡拜神。祥仔透露早前與單立文開工時被對方誤傷右眼：「滴咗兩日眼藥水，覺得冇乜嘢，所以冇睇醫生，都開始結焦。」談到有觀眾指他在台慶劇《梟雄》中氣場比拍檔黃秋生弱，他謂：「秋生哥當然係厲害啦，佢舞台劇、電影經驗好豐富，我都係跟佢學嘢。」
馬國明下周一出場
祥仔又承認黃秋生更為好戲：「必然o架喎，好難超越到佢。（有人話佢講上海話破壞套劇。）拍攝時都有好多考慮，創作上都有好多變化，不過最緊要有人關注，有人鬧都唔拘。」
另外，《梟雄》收視繼續強勢，第二集最高有26點，錄得178萬觀眾。而無綫企業傳訊部宣傳科副總監曾醒明就透露馬國明將會在第七集（即下星期一）出現，請觀眾拭目以待。
讚祥仔神速記劇本
雖然祥仔非常謙虛，但女主角Kelly就視對方為學習對象：「佢即刻可以眼濕濕，又一望劇本就記得晒，我要睇兩、三次先記到。」問黎耀祥有否塞錢落她袋，她即謂：「有問題問佢都會解答，但高人嘅意見都要畀啲時間消化。」談到被指忽然暴富，她就指不盡不實：「仲含沙射影話我有副業，有少少詆毀咗我人格。」她指雖然沒有太大不快，但始終怕形象受損。至於戲份甚重的何廣沛就指與Kelly演歡喜冤家，更謂：「佢為咗做到呢個感覺，我Hi佢，佢都窒我兩句。」
文：影視組