秋生獲網友勁讚：齋企都有戲

影帝黃秋生、視帝黎耀祥及湯鎮業主演的台慶劇《梟雄》前晚首播，最終亦沒有令大家失望，無論是演員的演技、氣場甚至上海的場景，都相當有睇頭，難怪不少網民議論紛紛，而被指齋企都有戲的秋生，更讚祥仔演得好。

「我其實好hea」

前晚在劇中不溫不火的秋生碰上祥仔的癲喪演繹，迸發火花，二人的對打場面更令觀眾看得肉緊。記者昨日致電黃秋生，問到對於平均26點的收視成績滿不滿意時，他反問記者：「咁即係好定唔好？唔知喎！（算好！）咁希望繼續好落去。」說到網民指他與祥仔對打戲很精彩，秋生謂：「咁就叫精彩，之後我都有啲鬥智戲，不過我其實好hea，都係啲文戲。（網民話你齋企都有戲！）咁好正常啫！唔通我變番黃秋生呀！總之我為劇組感到開心。」

黎耀祥謂很開心收到朋友的短訊支持。

闊別無綫30年的湯鎮業，對觀眾來說分外有新鮮感。

對於有網民指黎耀祥演得太着力，秋生即為他解畫謂：「唔係咁樣講，佢個角色性格係要咁做，如果唔咁樣做，佢嘅狂躁就會變得唔合理，我覺得佢做得好好，好合情理。」而祥仔笑言昨日收到不少朋友的支持，他說：「好多朋友都有Send短訊畀我話有睇，自己都好彩可以喺屋企睇番，得到反應都好好，見到好多人讚劇情緊湊，希望之後收視會節節上升。」

監製滿意收視

至於監製王心慰對於首集26點收視，他坦言：「相信一路會好，依家先啱啱開始，尋日喺澳門外景啲舖頭好多人圍住睇，呢套劇好多人關注，26點依家都已經算唔錯，但我覺得可以再好啲。」說到秋生在劇中說對白的腔很特別，監製表示：「劇入面佢喺鄉下出嚟，上海話都未講得正，所以專登咁演繹。」

文：影視組