薛凱琪怕醜唔敢集郵

黃柏高昨日帶同旗下歌手薛凱琪(Fiona)、劉浩龍及沈震軒現身,丁子高、貝安琪及母親劉香萍、姜麗文與母親等亦盛裝赴會,而林夏薇與老公莫贊生婚後首次公開亮相。

穿上低胸連身短裙的Fiona,提到同場的兩大荷里活型男里奧勒度狄卡比奧與羅拔迪尼路,以及奧斯卡金像大導馬田史高西斯,她即大讚他們吸引。

問她最喜歡哪個?她說:「三個都鍾意,好難揀,會揀羅拔迪尼路。(會唔會畀佢哋電親?)唔係淨係鍾意佢哋嘅外表,而係鍾意佢哋嘅才華。(會唔會集郵?)我係集郵怕醜仔,最好有人推我埋去,或者一齊影就最好。」而丁子高則表示太太楊千嬅因有工作在身,未能到場,並計劃將來帶囝囝Torres來玩。